२१ असार २०८३, आइतबार
काठमाडौं — अमेरिकाको न्युयोर्क राज्यमा दुई कार जुध्दा २० जनाको मृत्यु भएको छ ।
एउटा जन्मदिनको कार्यक्रममा जान लागेका अनेकौं जोडी चढेको लिमूजिन न्युयोर्कस्थित एक दोबाटोमा रोकिएन र रोकिराखेको अर्को गाडीसँग ठोक्किन पुग्यो ।
अमेरिकामा एक दशकयताको यो सबभन्दा ठूलो यातायात दुर्घटना हो ।
फोर्ड एक्सकर्सन लिमो राउट ३० मा गुडिरहेको थियो र इन्टरसेक्सनमा नरोकिएर रोकिराखेको एसयूभीमा ठोक्किएको थियो । स्थानीय समयअनुसार शनिवार दिउँसो २ बजे दुर्घटना भएको थियो ।
लिमोमा चढेका सबै १८ जनाको मृत्यु भएको प्रहरीले जनाएको छ । रोकिराखेको टोयोटा हाईल्यान्डरनजिक रहेका दुई पैदलयात्री पनि दुर्घटनामा मारिएका छन् ।
एजेन्सी
