३० जेठ २०८३, शनिबार
काठमाडौं– छातीमा संक्रमण भएपछि अस्पताल भर्ना हुनुभएका प्रधानमन्त्री केपी शर्मा ओलीबारे भ्रमपूर्ण समाचार सम्प्रेषण गर्ने एक ‘पत्रकार’ पक्राउ परेका छन् ।
पाथिभरा अनलाईन डट् कम नामक अनलाइन समाचार पोर्टलका सम्पादक हरी प्रसाद मानन्धर पक्राउ परेका हुन् ।
महानगरीय अपराध महाशाखाले मानन्धरलाई पक्राउ गरेको हो ।
स्याङ्जाको हरिनाथ गाउँपालिका–६ घर भएर काठमाडौंको कागेश्वरी बस्दै आएका मानन्धरविरुद्ध विद्युतीय अपराध तथा कसुर मुद्दामा अनुसन्धान प्रक्रिया अगाडि बढाइएको महाशाखाका एसपी नरेन्द्र उप्रेतीले जनाए ।
