काठमाडौं, १७ फागुन – संयुक्त लोकतान्त्रिक मधेशी मोर्चाले संविधान संशोधनविना निर्वाचनमा भाग नलिने निर्णय गरेको छ । मोर्चाको आज बसेको बैठकले उक्त निर्णय गरेको हो ।
‘संसदमा दर्ता भएको संविधान संशोधन विधेयक पारित नभएसम्म निर्वाचनमा भाग पनि नलिने र निर्वाचन आयोगमा पार्टी दर्ता पनि नगर्ने निर्णय भएको छ,’ मोर्चाका नेता लक्ष्मणलाल कर्णले लोकान्तरसँग भने ।
उनले निर्वाचनमा भागै नलिने भएपछि आयोगमा पार्टी दर्ता गराउनुको कुनै अर्थ नरहेको वताए । निर्वाचन आयोगले पार्टी दर्ताका लागि भोलि बुधवारसम्मको समय दिएको छ ।
संख्या पु–याएर संविधान संशोधन विधेयक पारित गराउन सरकारले संयोजनकारी भूमिका खेल्नुपर्ने उनले बताए ।
