०३ असार २०८३, बुधबार
काठमाडौं – ५ देखि ९ मंसिरसम्म राजधानीको भृकुटीमण्डपमा हुने तय भएको नेपाली कांग्रेसको महासमिति बैठक सर्ने भएको छ । राजधानी दैनिकमा खबर छापिएकाे छ ।
पार्टी केन्द्रीय कार्यालय सानेपामा शुक्रबार दसैं, तिहार, छठ तथा नेपाल संवत्को अवसरमा आयोजित शुभकामना तथा चियापान कार्यक्रममा महामन्त्री डा. शशांक कोइरालाले प्राविधिक कारणले महासमिति केही समय सर्ने बताएका हुन् ।
‘हामीले महासमिति ५ देखि ९ मंसिरसम्मका लागि तय गरेका छौं तर प्राविधिक कारणले अब सो समयमा बैठक गर्न सक्ने अवस्था रहेन, एक दुई साता पर सर्छ,’ महामन्त्री कोइरालाले भने ।
उनले आफू पार्टीको आउँदो १४औं महाधिवेशनका लागि नेतृत्व लिन तयार रहेको भन्दै त्यसअघि पार्टीभित्र देखिएको गुट उपगुट अन्त्य हुने सम्भावना नरहेको समेत जनाए ।
