०८ असार २०८३, सोमबार
काठमाडौं — साउदी पत्रकार जमाल खशोग्गीको इस्तानबुलमा भएको हत्यामा टर्कीका अनुसन्धान अधिकारीहरूलाई सहयोग गर्न गएकाले साउदी अधिकारीले प्रमाण हटाएको दाबी गरिएको छ ।
खशोग्गीको हत्या भएको नौ दिनपछि ११ जना साउदी अधिकारीहरू टर्की पुगेका थिए । एक वरिष्ठ टर्किश अधिकारीका अनुसार, उनीहरू संयुक्त अनुसन्धान टोलीका सदस्य थिए ।
त्यहाँ भएका रासायनिक तथा विष सम्बन्धी विज्ञहरूले प्रमाणलाई यताउता पारेको टर्किश अधिकारीले बताएको टर्कीको सबाह पत्रिकाले लेख्यो ।
उक्त टोलीका दुई सदस्य चाहिँ प्रमाण नष्ट गर्नैका लागि आएको आएको टर्कीले विश्वास लिएको छ । उनीहरूले प्रमाण नष्ट गरेपछि बल्ल टर्किश प्रहरीलाई साउदी वाणिज्य दूतावासमा खोजी गर्न दिइएको थियो ।
खशोग्गीलाई अक्टोबर २ मा दूतावासमा हत्या गरिएको थियो ।
खशोग्गीको हत्याको प्रमाण नष्ट गर्न टोली नै पठाएबाटै उनको हत्याका विषयमा शीर्ष साउदी अधिकारीहरू जानकार रहेको स्पष्ट संकेत दिएको छ ।
एजेन्सी
