१२ असार २०८३, शुक्रबार
काठमाडौं — इराक र इरानबीचको सीमावर्ती क्षेत्रमा ६.३ रिक्टर स्केलको भूकम्प गएको छ ।
भूकम्पको झड्का इराकको राजधानी बग्दाद र अन्य प्रान्तमा समेत अनुभव गरियो ।
भूकम्पको केन्द्रविन्दु कसेर शिरिन सीमावर्ती क्षेत्रमा थियो ।
सीएनएनले इरानको फार्स समाचार संस्थालाई उद्धृत गर्दै इराक सीमामा जोडिएको इरानमा भूकम्पमा परी ३६१ ज्ना घाइते भएको लेख्यो ।
फार्सका अनुसार, सारपोल ए जहाब र कसेर ए शिरिनका कैयौं ग्रामीण क्षेत्रमा भवनहरू नष्ट भएका छन् । कैयौं घरका भित्ता ढलेका छन् ।
इरानको सञ्चारमाध्यमले केही प्रभावित क्षेत्रहरूमा स्थानीयहरू डराएर सडकमा निस्केको बताए ।
बग्दादमा भूकम्पको झड्का एक मिनेटसम्म अनुभव गरिएको मानिसहरूले बताए । इराकको पूर्वी प्रान्त दियालामा पनि भूकम्पको झड्का अनुभव गरिएको थियो ।
एजेन्सी
