१४ असार २०८३, आइतबार
काठमाडौं — अमेरिकी अभियोजनकर्ताहरूले राष्ट्रपति डोनल्ड ट्रम्पका पूर्व निर्वाचन अभियन्ता पल मानाफोर्टले एफबीआईसमक्ष झूट बोलेको बताएका छन् ।
अगस्ट महिनामा मानाफोर्टलाई युक्रेनमा राजनीतिक सल्लाहकार हुँदा आर्थिक घोटाला गरेकोमा अभियोजन लगाइएको थियो ।
अमेरिकी निर्वाचनमा रुसको हस्तक्षेपका विषयमा अनुसन्धान गरिरहेको विशेष निकायले मानाफोर्टविरुद्ध दण्ड सुनाउनका लागि ढिलाइको कुनै गुञ्जायस नरहेको बताएको छ ।
मानाफोर्टका वकिलहरूले मानाफोर्टबाट सत्य सूचना आएको विश्वास गरेका छन् ।
सेप्टेम्बर महिनामा उनले अन्य दुई फौजदारी अभियोगमा दोषी रहेको स्वीकार गरेका थिए । उनले स्पेसल काउन्सेल रोबर्ट मुलरसँग प्ली डी गरेका थिए ।
सन् २०१६ को निर्वाचनमा रुसले गरेको कथित हस्तक्षेपमा भएको अनुसन्धानपछि भएको यो पहिलो फौजदारी पुर्पक्ष हो ।
ह्वाइट हाउसले चाहिँ मानाफोर्टले दोष स्वीकार गर्नुको राष्ट्रपति डोनल्ड ट्रम्पसँग कुनै साइनो नभएकोमा जोड दिएको छ ।
बीबीसीबाट
