काठमाडौं– गत शुक्रबारबाट प्रदर्शनमा आएको चलचित्र ‘ड्रिम गर्ल’ युनिट मोफसल यात्राबाट बुधबार राजधानी फर्किएको छ ।

प्रदर्शनको दुई दिनपछि आइतबार यूनिट मोफसल यात्रामा निस्किएको थियो ।

चलचित्रका निर्देशक ऋषिराज आचार्य, नायिकाद्धय आश्मा गिरी, पूजा पराजुली, कलाकार शिशिर भण्डारी, मिडिया संयोजक लक्ष्मण सुवेदी लगायतको टिम पोखरा, बुटवल, नारायणघाट पुगी प्रचारप्रसारसंगै दर्शकसंग प्रतिक्रिया बुझेको थियो । चलचित्रका मुख्य नायक आकाश श्रेष्ठ भने व्यक्तिगत कारणले यो यात्रामा उपस्थित थिएनन् । 

हालसम्मको ब्यापार सामान्य रहेको बताउँदै माउथ पब्लिसिटीले दर्शक बढ्ने अपेक्षा रहेको निर्देशक आचार्यले बताए । ‘जतिले चलचित्र हेर्नुभएको छ । सबैले राम्रो प्रतिक्रिया दिनुभएको छ । अबका दिनमा ब्यापार बढदै जाने अपेक्षा छ’–उनले भने । चलचित्र देशभरका झण्डै ७५ हलमा प्रदर्शनरत छ ।