२० असार २०८३, शनिबार
काठमाडौं — अमेरिकाको उत्तरी क्यालिफोर्नियाका जंगलमा भीषण डढेलो लागेको एक महिनापछि एक आश्चर्यजनक खबर आएको छ ।
डढेलोमा परी खरानी भएको एक घरलाई पनि घरपालुवा कुकुरले रेखदेख गरेको पाइएको छ । म्याडिसन नामक यो कुकुर एक महिनाभरि त्यो क्षतिग्रस्त घरमा बसेर रेखदेख गरिरह्यो ।
घर मालिक्नी एन्ड्रिया गेलार्ड प्याराडाइनस्थित आफ्नो घरमा फर्किंदा कुकुरलाई देखेर छक्क परिन् । गेलार्ड नोभेम्बर ८ मा शहरमा डढेलो लागेपछि भागेकी थिइन् । उक्त डढेलोमा २७ हजार घर नष्ट भए ।
गेलार्डले एक उद्धारकर्मीलाई म्याडिसनको खोजी गर्न अनुरोध गरेको धेरै दिनपछि उद्धारकर्मीले एनाटोलियन शेफर्ड प्रजातिको यो कुकुर भेटे ।
शायला सलिभान नामक महिलाले गेलार्ड नफर्कुन्जेलसम्मका लागि म्याडिसनको हेरचाह गरेकी थिइन् । गेलार्ड नआउन्जेल म्याडिसन चिन्तित देखिएको र ऊ सबैबाट टाढिएको सलिभानले बताइन् ।
म्याडिसनको भाइ मिगेललाई आगलागीपछि एक आश्रयस्थल पठाइएको र उसले पनि म्याडिसनलाई खोज्न सलिभानको सहायता गरेको थियो ।
गेलार्डले म्याडिसनलाई मन पर्ने खानेकुरा खुवाएकी थिइन् । यस्तो खराब अवस्थामा पनि म्याडिसनले देखाएको बफादारी र प्रतीक्षा प्रशंसनीय रहेको सलिभानले बताइन् ।
एजेन्सी
