२९ असार २०८३, सोमबार
काठमाडौं–सार्वजनिक सवारी साधनले जथाभावी यात्रु ओराल्ने र चढाउने गर्दा सडक जाम हुने गरेको छ । यो समस्या समाधानका लागि काठमाडौं महानगरपालिकाले यात्रु चढाउन र ओराल्नका लागि स्थानहरु तोकेको छ ।
तोकेको स्थानभन्दा अन्य स्थानमा यात्रु ओराल्ने र चढाउने गरेमा कारवाही हुने महानगरपालिकाले जारी गरेको सूचनामा उल्लेख छ । महानगरपालिकाले आइतबारदेखि लागू हुने गरी टुँडिखेल वरिपरि यात्रु लिएर आउने सवारी साधनहरुका लागि यात्रु ओराल्ने र चढाउने स्थान तोकेको हो ।
एक सवारी साधनले एक स्थानबाट मात्र यात्रु ओराल्न र चढाउन पाउने सूचनामा उल्लेख छ ।
