सुर्खेत– नेपाल कम्युनिस्ट पार्टी कर्णाली प्रदेश संसदीय दलको बैठक आइतबार बस्दैछ । बैठक विहान ११ बजे वीरेन्द्रनगरमा रहेको पार्टीको संसदीय दलको कार्यालयमा बस्न लागेको हो ।

विगत लामो समयदेखि कर्णालीमा संसदीय दलको नेता चयनका विषयमा विवाद भइरहेको थियो । आज बस्ने संसदीय दलको बैठकले मुख्यमन्त्री महेन्द्रबहादुर शाहीलाई नै संसदीय दलको नेता चयन गर्ने एक सांसदले बताए ।

उनका अनुसार यसअघि पूर्व एमालेका नेता एवम् प्रदेश कमिटी सह–इन्चार्ज यामलाल कंडेलले संसदीय दलको नेताको जिम्मेवारी आफूले पाउनुपर्ने दाबी गरिरहेका थिए । बैठकले संसदीय दलको नेताको रुपमा मुख्यमनत्री शाहीलाई नै चयन गर्नेछ ।