काठमाडौं, २३ फागुन–आरआर क्याम्समा आजका लागि तय भएको स्वतन्त्र विद्यार्थी युनियनको चुनाव अन्योलमा परेको छ ।
प्रदर्शनीमार्गस्थित आरआर क्याम्पसमा एमाले निकटको अनेरास्ववियुले निर्वाचनको माग गर्दै नाराबाजी गरेको छ भने अनेरास्ववियु क्रान्तिकारी र नेपाल विद्यार्थीसंघले एकलौटी रुपमा गर्न लागिएको चुनाव कुनै पनि हालतमा गर्न नहुने भन्दै नारावाजी गरेका छन् ।
विहानैदेखि विद्यार्थी मतदानका लागि लाइनमा बसेपनि प्रहरीले विद्यार्थीलाई क्याम्पसमा प्रवेश गर्न दिएको छैन ।
सयौंको संख्यामा प्रहरी परिचालन गरिएको छ भने क्याम्पस प्रमुखलाई समेत प्रवेश गर्न दिइएको छैन ।
अनेरास्ववियुका सचिव आरसी लामिछानेले स्वतन्त्र विद्यार्थी युनियनको चुनाव हुन नदिनका लागि कांग्रेस र माओवादी केन्द्रले सत्ताको दुरुपयोग गरेको आरोप लगाएका छन् ।
उता नेविसंघका सहमहामन्त्री प्रेम जोशीले अखिलले एकलौटी रुपमा क्याम्पसलाई व्यारेक बनाएर गर्न खोजेको निर्वाचन हुन नसक्ने बताएका छन् ।
