१२ असार २०८३, शुक्रबार
काठमाडौं — पाउरोटीको मूल्यमा भएको वृद्धिविरुद्ध प्रदर्शन गरिरहेका मानिस र सुडानको दंगाप्रहरीबीच भएको झडपमा १९ जना मारिएका छन् ।
मारिनेमा दुई सुरक्षाकर्मी पनि रहेको सरकारले जानकारी दिएको छ ।
सुडानमा भोकमरीको विकराल समस्या छ । मूल्यवृद्धिको सरकारी निर्णयलाई मानिसहरूले विरोध गर्नुपरेको हो ।
सरकारी प्रवक्ता बोशरा जुमाले घटनामा दुई सुरक्षाकर्मीसहित १९ जना मारिएको बताए । २१९ जना घाइते भएका छन् । पाउरोटीको मूल्य एक पाउन्डबाट बढाएर तीन पाउन्ड बनाइएको छ ।
बिहीवार विरोध प्रदर्शन सुडानको राजधानी खार्तूमसम्म पुगेको थियो । राष्ट्रपति भवननजिक एकत्र भीडलाई तितरबितर गर्नका लागि प्रहरीले अश्रूग्यास प्रहार गरेको थियो ।
यसैबीच शहरका सांसद मुबारक अल नूरले प्रदर्शनकारीमाथि बल प्रयोग नगर्न अनुरोध गरेका छन् ।
एजेन्सी
