२४ जेठ २०८३, आइतबार
वीरगन्ज– पर्सा प्रहरीले १ सय ६० किलो लागू औषध चरेससहित एक ट्रकलाई नियन्त्रणमा लिएको छ ।
मकवानपुरको मनहरीबाट वीरगन्जतर्फ आउँदै गरेको ना४ख २९८५ नम्बरको ट्रकबाट १ सय ६० किलो चरेश बरामद भएको हो ।
चरेससहित ट्रकका चालक मकवानपुरको हेटौंडा उपमहानगरपालिका–१२ बस्ने २९ वर्षीय सागर वललाई पक्राउ गरिएको प्रहरीले जनाएको छ ।
ट्रकको बडी र क्याभिनको बीच भागमा फल्स बटम बनाइ लुकाएर भारततर्फ लैजाँदै गर्दा ट्रक नियन्त्रणमा लिइएको पर्सा प्रहरीले जनाएको छ ।
