काठमाडौं– नेपाल नागरिक उड्डयन प्राधिकरणको सेवाबाट अलग भएको कुनैपनि कर्मचारीले अब एक वर्षसम्म निजी कम्पनीमा काम गर्न नपाउने भएको छ । 

नेपाली नागरिक उड्ययन क्षेत्रको नियामक निकायमा लामो अनुभव प्राप्त गरेका वरिष्ठ कर्मचारीसमेत प्राधिकरण छाड्नासाथ निजी कम्पनीमा जाने प्रचलन बढेसँगै प्राधिकरणले पूर्वकर्मचारीको हकमा कडा नीति ल्याएको हो । 

प्राधिकरणको सञ्चालक समितिले ५ मंसिरमा ‘नेपाल नागरिक उड्डयन प्राधिकरण कर्मचारीहरुको आचारसंहिता २०७५’ स्वीकृत गरेको छ । 

प्राधिकरणले पहिलोचोटी कर्मचारीहरुको लागि यस्तो आचारसंहिता ल्याएको खबर आजको नयाँ पत्रिका दैनिकमा छापिएको छ ।