धनगढी– सुदूरपश्चिम प्रदेशका मुख्यमन्त्री त्रिलोचन भट्टको गाडीको ढोकामा ठोक्किएर मंगलबार एक जना घाइते भएका छन् ।

मुख्यमन्त्री सवार गाडी धनगढीको होटल साथी नजिक बाटोमा  रोकेर ढोका खोल्दा पछाडीबाट मोटरसाइकलमा आइरहेका अछामको ढकारी गाउँपालिकाका सूचना तथा सञ्चार प्रविधि अधिकृत विक्रम बोहोरा ठोक्किएर घाइते भएका हुन् ।

जिल्ला प्रहरी कार्यालय कैलालीका प्रहरी नायव उपरिक्षक हरि ओलीले गाडीको ढोकामा ठोक्किदा से ७ प २३२ नम्बरको मोटरसाइकल चालक बोहरा घाइते भएको जानकारी दिए । समान्य घाइते भएका बोहराको सेती अञ्चल अस्पतालमा उपचार भैरहेको छ । गाडी र मोटरसाइकलमा समान्य क्षति भएको प्रहरी नायव उपरिक्षक ओलीको भनाइ छ । 

मुख्यमन्त्रीको गाडी फर्काउने क्रममा सुरक्षा गार्डले पछाडी हेरेरै ढोका खोल्दा मोटरसाइकल चालक बोहरा ठोक्किएको बुझिएको छ ।