०३ साउन २०८३, आइतबार
काठमाडौं - संयुक्त अरब इमिरेट्स (युएई)विरुद्धको तीन एक दिवसीय श्रृंखलाअन्तर्गत पहिलो खेलमा नेपालले खराब शुरूवात गरेको छ ।
६ ओभर एक बलमा १६ रन जोड्दा नेपालले २ विकेट गुमाइएको छ । उपकप्तान ज्ञानेन्द्र मल्ल रनको खाता नै नखोली आउट भएका छन् भने विकेट किपर ब्याट्सम्यान विनोद भण्डारी ५ रनको स्थितिमा पेबिलियन फर्किएका छन् ।
दुई विकेट गुमाएर संकटमा परेको नेपाली पारी सम्हाल्न क्रिजमा कप्तान पारस खड्का र अलराउण्डर सोमपाल कामी छन् ।
दुबईमा घरेलु टोलीले टस जितेर पहिले फिल्डिङ गर्ने निर्णय गर्दै नेपाललाई ब्याटिङमा बोलाएको हो ।
नेपाल तीन एक दिवसीय र तीन टी-ट्वान्टी सिरिज खेल्न यूएई पुगेको हो ।
दोस्रो खेल माघ १२ र तेस्रो खेल माघ १४ गतेका लागि तय भएको छ । यस्तै टी-ट्वान्टीतर्फ पहिलो खेल माघ १७, दोस्रो माघ १८ र तेस्रो माघ २० गते हुनेछ ।
