१९ असार २०८३, शुक्रबार
काठमाडौं- यूएईविरुद्धको दोस्रो टी-ट्वान्टी क्रिकेट प्रतियोगितामा नेपालले १०८ रनको विजयी लक्ष्य पाएको छ ।
टस जितेर पहिले ब्याटिङ गरेको घरेलु टोली यूएईले १९ ओभर २ बलमा अलआउट हुँदै १०७ रन जोड्यो ।
यूएईका लागि सीपी रिजवानले सर्वाधिक ४४ रनको योगदान गरे । अन्य ब्याट्सम्यानले उल्लेख्य प्रदर्शन गर्न सकेनन् ।
नेपालका लागि अभिनास बोहराले ३ तथा सन्दीप लामिछाने, सोमपाल कामी र करन केसीले २-२ विकेट लिए ।
यसअघि भएको पहिलो खेल यूएईले जितेको थियो ।
यूएईसँगकै एक दिवसीय क्रिकेट श्रृंखला भने नेपालले २-१ ले जितेको थियो ।
