०८ असार २०८३, सोमबार
काठमाडौं — बेलायतमा बस्ने नौ वर्षीया एक बालिकाको स्पेनमा छुट्टी मनाउन जाँदा आइसक्रीम खाएर मृत्यु भएको छ ।
बालिकाको परिवारका मानिसले बताएअनुसार, उनले खाएको आइसक्रीममा बदामको अंश थियो र बालिकालाई बदामको एलर्जी थियो । तर उनलाई आइसक्रीममा बदाम नभएको भनी बताइएको थियो ।
बालिकाको नाम हबीबा चिश्ती हो । उनलाई बदामको एलर्जी भएकाले मातापिता एकदमै सावधान रहन्थे ।
तर स्पेनको कोस्टा डेल नामक स्थानमा आइसक्रीम खाएको केही समयमै बालिका बिरामी भइन् ।
बालिकासँग उनका मातापिता र दुई भाइबहिनी पनि गएका थिए । परिवारले एक स्थानीय पसलबाट आइसक्रीम किनेको थियो । त्यो खाएर होटल फर्केपछि बालिका बिरामी भइन् । उनलाई मालागाको अस्पतालमा लगियो ।
प्रहरीले घटनाको अनुसन्धान गरिरहेको छ ।
एजेन्सी
