काठमाडौं– हेलिकप्टर दुर्घटनामा ज्यान गुमाएका संस्कृति, पर्यटन तथा नागरिक उड्ययनमन्त्री रवीन्द्र अधिकारीको परिवारलाई भेटेर सान्त्वना दिन प्रधानमन्त्री केपी शर्मा ओली पुल्चोकस्थित मन्त्री क्वाटर पुगेका छन् । 

त्यहाँ बुधबार साँझ पुगेका उनले स्वर्गीय अधिकारीका परिवारलाई भेटेर श्रद्धाञ्जलीका साथै सान्त्वना दिएका थिए ।  सो क्रममा उपप्रधानमन्त्री इश्वर पोखरेल, अर्थमन्त्री युवराज खतिवडा, शिक्षामन्त्री गिरीराजमणि पोखरेललगायतपनि सहभागि दिए ।  दुर्घटनाको खबरपछि आजै कास्कीबाट अधिकारीका बुबा इन्द्रप्रसाद र आमा लक्ष्मीदेवीलाई यति एयरको विमानबाट काठमाडौँ ल्याइएको थियो । 

काठमाडौँबाट तेह्रथुमको चुहानडाँडामा विमानस्थलको सम्भाव्यता अध्ययनका लागि मन्त्री अधिकारीसहितको टोली कार्यक्रम सकेर काठमाडौँ फर्किने क्रममा ताप्लेजुङको दारेभिरमा एयर डाइनेस्टीको हेलिकप्टर दुर्घटनामा परेको थियो ।