कीर्तिपुरस्थित मैदानमा भएको खेलमा नेपालले केन्यालाई ७ विकेटलाई जितेको हो । ज्ञानेन्द्र मल्लले ६४, दिपेन्द्र ऐरीले ६२, सरद भेषवाकरले ११ बलमै २४ रन जोडेको खेलमा नेपालले ३१ औ ओभरमा केन्याले दिएको १५६ रनको लक्ष ३ विकेटको क्षतिमा पुरा गरेको हो ।

जित निकाल्ने क्रममा जितका लागि २ रन आवश्यक भएकोमा शरद भेषवाकरले छक्का हान्दै जित निकालेका हुन् ।

जित निकालेसँगै नेपाली खेलाडीले राष्ट्रिय झण्डा सहित दर्शकलाई अभिवादन गरेका थिए । त्रिवि मैदानमा उपस्थित क्रिकेट समर्थकले नेपालको पक्षमा हुटिङ गरेका थिए ।