०४ साउन २०८३, सोमबार
काठमाडौं- राष्ट्रिय क्रिकेट टोलीका सदस्य सन्दीप लामिछाने पाकिस्तान सुपर लिग (पीएसएल) क्रिकेट प्रतियोगितामा सहभागिता जनाएर मंगलवार स्वदेश फर्कँदै छन् ।
राष्ट्रिय टोलीका लेग स्पिनर सन्दिप आज दिउँसो ३ः३५ बजे कतार एयरवेजबाट नेपाल आइपुग्ने कार्यक्रम रहेको नेपाली राष्ट्रिय क्रिकेट टोलीका टीम व्यवस्थापक रमण शिवाकोटीले जानकारी दिए ।
सन्दीपले उक्त प्रतियोगितामा सात खेल खेल्दै ११ विकेट लिएका थिए । सन्दीपको टीम लाहोरले प्रतियोगिताको १० खेलमा ६ अंक जोडेको थियो । उनको टीम प्रतियोगिताको समूह चरणबाटै बाहिरिएको छ ।
