विराटनगर– मुुलुकका प्रत्येक निर्वाचन खर्चिलो बन्दै गएको प्रति पूर्वसांसदहरूले चिन्ता व्यक्त गरेका छन् । उनीहरुले निर्वाचन प्रणालीमा सुधार नगरिए राजनैतिक व्यवस्थामाथि नै संकट आउने धारणा व्यक्त गरेका छन् । 

पूर्वसांसद मंच नेपालले विराटनगरमा आयोजना गरेको प्रदेशस्तरीय भेलामा  सहभागिहरूले संघीय निर्वाचन मात्र होइन प्रदेश र स्थानीय तहको निर्वाचन पनि बढी खर्चिलो र भड्किलो बन्दै गएकोले सुधार गर्न आग्रह गरे । कार्यक्रममा सहभागीहरूले संविधान कार्यान्वयनको अवस्थामा ढिलाई भइरहेको र संघ, प्रदेश तथा स्थानीय सरकारबीच समन्वय  नहुँदा विकास निर्माण र समृद्धिका कार्यहरूमा बाधा पुगेको बताएका थिए ।

सरकारको परामर्शदाता समेत रहेको पूर्वसांसद मंच नेपालले सातै प्रदेशमा छलफल कार्यक्रम आयोजना गरी प्राप्त सुझावलाई प्रतिवेदन बनाएर संसद र सरकारलाई उपलब्ध गराउने पूर्व सांसद मंचका सदस्य सुरेश कार्कीले जानकारी दिए । छलफलमा एक नम्बर प्रदेशका सभामुख, उपसभामुख, पूर्वसांसदहरू, प्रदेश सांसदहरू, स्थानीय तहका प्रमुख उपप्रमुखहरूको सहभागिता रहेको थियो ।