काठमाडौं, ४ चैत - निर्वाचन आयोगले फोटो सहितको मतदाता नामावली संकलन कार्य बन्द गरिसकेको छ । निर्वाचन आयोगले अघिल्ला निर्बाचनहरु देखिनै मतदाता नामावली संकलन गरेको थियो । त्यसपछि पनि जिल्ला प्रशासन कार्यालयसँगको सहकार्यमा आयोगले निरन्तर मतदाता नामावली संकलन गरिरहेको थियो । निर्वाचनको घोषणा भएपछि चाहिँ मतदाता नामावली संकलनको काम बन्द भएको छ ।

सरकारले स्थानीय निर्वाचनको मिति घोषणा गरिसकेकोले समयमै मतदाता नामावलीमा नाम भएको नभएको बारेमा स्पष्ट हुनु राम्रो हुन्छ । तल दिएएको फर्मबाट सजिलै आफ्नो नाम भए नभएको बारेमा पत्ता लगाउन सकिन्छ ।

तल दिएको फर्मममा सबैभन्दा पहिले जिल्ला छनौट गर्नुहोस । जिल्ला लेखेको टाउँमा क्रसर लगेपछि ७५ जिल्लाको नाम आफै देखिन्छ, त्यसमा आफ्नो जिल्ला छान्नुपर्छ ।

त्यसपछि साविकको गाविस वा नगरपालिकाको नाम देखिन्छ । त्यहाँ पनि आफ्नो जिल्लाको गाविसहरुको नाम दिएको छ । आफ्नो गाविस वा नगरपालिका छनौट गर्नुहोस् ।

अन्त्यमा वडा छान्ने ठाउँ छ । त्यहाँ आफ्नो वडा छान्नुहोस । र सबिमटमा  क्लीक गर्नुहोस् ।

त्यसपछि नेपाली बर्णमाला क्रम अनुसार नाम राखेको छ । आफ्नो नाम कुन अक्षरबाट आउँछ त्यही अक्षरमा क्लिक गरेर हेर्नुहोस ।

यदि त्यहाँ तपाईको नाम भेटियो भने तपाईको सम्पूर्ण जानकारी पनि त्यहाँ राखिएको छ । आफ्नो जन्म मिति हाल्यो भने सम्पूर्ण जानकारी समेत लिन सकिन्छ । 

ठूला सहरका मतदाताले चाहिँ संकलन केन्द्र समेत छान्नुपर्छ । आफ्नो पूर्ण विवरण हेर्नको लागि चाहिँ नागरिकता नम्बर समेत राख्नुपर्ने हुन्छ । नाम भए नभएको मात्रै पत्ता लगाउन चाहिँ यस्तो गर्नुपर्दैन ।