१३ असार २०८३, शनिबार
वीरगञ्ज-वीरगञ्ज महानगरपालिका–११ श्रीपुरस्थित केमिकल कारखानामा आगलागी भएको छ ।
श्रीपुरको मुख्य सडकदेखि करीब ५० मिटर उत्तरतर्फ घना बस्ती नजीक रहेको सो केमिकल कारखानामा आगलागी भएपछि स्थानीयवासी घर छाडेर अन्यत्र भागेका छन् ।
आगो नियन्त्रणमा लिन वीरगञ्ज महानगरपालिकाको वारुणयन्त्र प्रयोग गरिएको भए पनि नियन्त्रणमा आउन सकेको छैन ।
आगलागीबाट भएको क्षतिबारे एकिन गर्न सकिएको छैन । व्यापारी अजय साहको सो कारखानाबाट पेन्ट बनाइने केमिकल र प्लास्टिक उत्पादन हुँदै आएको छ ।
