१४ असार २०८३, आइतबार
काठमाडौं – विकिलिक्सका संस्थापक जुलियन असान्जले गोप्य सरकारी दस्तावेज चुहाएको आरोपमा अमेरिकासमक्ष सुपूर्दगी हुन अस्वीकार गरेको बिहीवार बताएका छन् ।
अस्ट्रेलियामा जन्मेका यी ४७ वर्षीय सूचना अभियन्तालाई धरौटी ऐन उल्लंघन गरेकोमा ५० हप्ताको कारावास सजाय दिइएको छ ।
असान्ज वेस्टमिन्स्टर मजिस्ट्रेट्स कोर्टमा भिडियो लिंकमार्फत उपस्थित भएको स्थानीय सञ्चारमाध्यमले जनाएका छन् ।
उनले पत्रकारिता गरेर थुप्रै पुरस्कार जितेको तथा धेरै मानिसको ज्यान बचाएको र यसो गरेको सजायका रूपमा सुपूर्दगीका लागि आत्मसमर्पण नगर्ने बताएका थिए ।
सुपूर्दगी प्रक्रिया पूरा हुन महिनौं लाग्ने अदालतले सुनुवाइ गरेको छ । यो मुद्दा जेठ १६ गतेसम्मका लागि स्थगित गरिएको छ ।
यौन दुर्व्यवहारको आरोप लागेपछि स्विडेनमा सुपूदैगी हुनबाट बच्न असान्जले लन्डनस्थित इक्वेडर दूतावासमा शरण लिएका थिए । तर उनले यो आरोपको खण्डन गरेका छन् ।
एजेन्सी
