२९ असार २०८३, सोमबार
काठमाडौं – भारतमा लोकसभा चुनावको प्रारम्भिक रुझानमा प्रधानमन्त्री नरेन्द्र मोदीको नेतृत्वमा भारतीय जनता पार्टी फेरि सत्तामा फर्किने देखिएको छ ।
मोदीको जीतको सम्भावना बन्दा उनकी आमा हीराबेन मोदी गान्धीनगरस्थित आफ्नो घरमा सञ्चारकर्मीसँग भेटिन् ।
हीराबेन एकछिनका लागि बाहिर आइन् र पत्रकारहरूलाई अभिवादन गरिन् । उनी आफ्नो छोराको जीतका सम्बन्धमा आश्वस्त थिइन् ।
त्यस अवसरमा घरका अन्य सदस्य पनि उपस्थित थिए । मोदीकी आमाले हात जोडेर भीडलाई अभिवादन गरिन् ।
यसअघि गुजरातमा भोट हाल्न जाँदा आफ्नी आमाको आशीर्वाद लिएका थिए ।
यसैबीच उनकी आमाले उनलाई आशीर्वादका रूपमा चुनरी दिएकी थिइन् र तिलक लगाएर मिठाइ खुवाएकी थिइन् ।
सन् २०१४ को लोकसभा चुनाव परिणाम आएपछि पनि मोदी आमालाई भेट्न गएका थिए । त्यतिखेर हीराबेनले भनेकी थिइन्, ‘गुजरातको सेवा गरेजस्तो छोराले देशको सेवा गर्छ ।’
एजेन्सी
