नयाँ दिल्ली– भारत भ्रमणमा रहेका प्रधानमन्त्री केपी शर्मा ओलीले शुक्रवार नयाँ दिल्ली स्थित नेपाली दूतावासको भ्रमण गरेका छन ।

भारतीय प्रधानमन्त्री नरेन्द्र मोदीको शपथग्रहण समारोहमा सहभागि हुन आएका ओली शुक्रवार बिहान बाह्रखम्बा रोडस्थित नेपाली दूतावासको भ्रमण गरेका हुन् ।

ओलीलाई भारतका लागि नेपाली राजदूत नीलाम्बर आचार्यले स्वागत गरेका थिए । प्रधानमन्त्री ओलीले दूतावासका अधिकारी र कर्मचारीसँग छलफल गरेका थिए । 

प्रधानमन्त्री ओली शुक्रवार नै स्वदेश फर्किने कार्यक्रम छ । स्वदेश फर्किनु अघि ओलीले समकक्षी मोदीसँग भेटवार्ता गर्दैछन् ।