०८ साउन २०८३, शुक्रबार
काठमाडौं– प्रधानमन्त्री केपी शर्मा ओलीलेभन्दा पहिलो आफ्नो दलका नेताले बोल्न पाउनु पर्ने प्रमुख प्रतिपक्षी दल नेपाली कांग्रेसको अडानका कारण प्रतिनिधि सभाको बैठक बस्न ढिला भएको छ ।
बिहान ११ बजेका लागि तय गरिएको बैठक पौने १२ बजेसम्म शुरू हुन सकेको छैन । संसद् बैठकको कार्यसूचीमा प्रधानमन्त्रीले सार्वजनिक महत्त्वका विषयमा मन्तव्य दिने उल्लेख छ ।
प्रमुख प्रतिपक्षी दलले भने प्रधानमन्त्रीले बोल्नुभन्दा पहिला आफ्नो दलका नेता शेरबहादुर देउवाले बोल्न पाउनु पर्ने माग राखेको छ ।
सभामुख कृष्णबहादुर महराका प्रेस सल्लाहकार डिल्ली मल्लले सदन सञ्चालनका विषयमा छलफल भइरहेको जानकारी दिए ।
भर्खरै सम्पन्न युरोप भ्रमण र गुठी विधेयक विवादबारे ओलीले सदनमा सम्बोधन गर्न सभामुखसँग समय मागेका थिए ।
गुठी विधेयको विरोधमा प्रत्येक दिन संसद्मा बोल्दै आएको कांग्रेसले प्रधानमन्त्रीको सम्बोधनभन्दा पहिला आफू बोल्न पाउनु पर्ने माग राखेको छ ।
