काठमाडौं–दूरसञ्चार कम्पनीहरुको कामकारबाही नियमन गर्ने नेपाल दूरसञ्चार प्राधिकरणका अनुगमन उपकरण खरिदका क्रममा झण्डै १ अर्ब ३७ करोड रुपैयाँ अनियमितता हुने गरी टेन्डर हत्याउने खेल सुरु भएको छ । 
दूरसञ्चारको ट्राफिक मापन तथा ठगी नियन्त्रण उपकरण खरिद प्रक्रियामा १ अर्ब ३७ करोड रुपैयाँ भन्दा बढी प्रस्ताव गर्नेसँग नै सम्झौता गर्नेगरी खेल सुरु भएको हो । आजको कान्तिपुर दैनिकका अनुसार टेन्डर हत्याउन अदालतको सहारा लिइएको छ ।