काठमाडौं – भारतको गाजियाबादमा एक व्यक्तिले आफ्नी पत्नी र तीन सन्तानको निर्मम हत्या गरेर आत्महत्या गरेका छन् । 

बिहीवार राति यो घटना भएको हो । ती व्यक्तिले तीनै सन्तानलाई विष दिए अनि पत्नीलाई ह्याम्मरले हानेर मारे । त्यसपछि उनले डोरीमा फासी लगाएर आत्महत्या गरे ।

घटनाको बारेमा परिवारका अन्य व्यक्तिले शुक्रवार बिहान थाहा पाए अनि प्रहरीलाई सूचना दिए । 

ती व्यक्तिको नाम प्रदीप बताइएको छ । उनले एक सुसाइड नोट पनि लेखेको पाइयो । पत्नीले शंका गर्ने गरेको उनले नोटमा लेखे । 

हत्या गरेपछि उनले सबैको मुखमा टेप टाँसिदिए । 

प्रहरीले बिहान ५ बजेर ४० मिनेटमा घटनाको सूचना पाएको थियो । घटनाको एफआईआर दर्ता गरेर प्रहरील् अनुसन्धान थालेको छ । 

एजेन्सी