काठमाडौं – अमेरिकाका राष्ट्रपति डोनल्ड ट्रम्पले आइतवार विपक्षी दल डेमोक्रेटिक पार्टीका महिला सांसदहरूमाथि नश्लीय टिप्पणी गरेका छन् । 

ती नेताहरू जुन देशबाट आएका हुन्, त्यतै फर्कनुपर्ने उनले लेखे । ट्रम्पको यस बयानलाई अमेरिकामा बस्ने अनेक जातिका मानिस तथा प्रवासीका लागि खतराका रूपमा हेरिएको छ । 

ट्वीटमार्फत महिला सांसदहरू न्युयोर्ककी अलेक्जेन्ड्रिया ओकासियो–कोर्टेज, मिनेसोटाकी इल्हान उमर, मिशिगनकी रशीदा तलैब र म्यासाचुसेट्सकी आयाना प्रेसलेमाथि ट्रम्पले आक्रमण गरेका हुन् । यी चारै महिला पहिलोपटक सांसद बनेका हुन् । 

ट्रम्पले पहिले पनि नश्लीय टिप्पणी गरिसकेका छन् । पोहोर साल उनले अफ्रिकी देशलाई बकवास भन्दै त्यहाँबाट प्रवासी मानिस मात्र आउने बताए । 

अर्को वर्ष हुने राष्ट्रपति चुनावमा डेमोक्रेटहरूले ट्रम्पको यो टिप्पणीलाई निकै उचाल्ने सम्भावना छ ।

ट्रम्पले कसैको नाम त उल्लेख गरेनन् तर महिला सांसदहरूले इजरायललाई निकै घृणा गर्ने बताए । उनको इशारा इल्हान उमर र रशीदा तलैबतर्फ थियो ।

So interesting to see “Progressive” Democrat Congresswomen, who originally came from countries whose governments are a complete and total catastrophe, the worst, most corrupt and inept anywhere in the world (if they even have a functioning government at all), now loudly......

— Donald J. Trump (@realDonaldTrump) July 14, 2019

....and viciously telling the people of the United States, the greatest and most powerful Nation on earth, how our government is to be run. Why don’t they go back and help fix the totally broken and crime infested places from which they came. Then come back and show us how....

— Donald J. Trump (@realDonaldTrump) July 14, 2019

....it is done. These places need your help badly, you can’t leave fast enough. I’m sure that Nancy Pelosi would be very happy to quickly work out free travel arrangements!

— Donald J. Trump (@realDonaldTrump) July 14, 2019

एजेन्सी