२१ असार २०८३, आइतबार
काठमाडौं – अमेरिकाको मेम्फिसमा रहेको ह्याम्पटन इनमा सुतिरहेकी मेलिन्डा मेजरको हातमा सर्प आएर बेरिएपछि निकै आत्तिएकी छन् ।
उनी दोस्रो तल्लामा रहेको कोठामा सुतिरहेकी थिइन् । उठ्दाखेरी उनले हातमा केही घस्रिरहेको अनुभव गरिन् ।
शुरूमा त उनलाई पतिको हात जस्तो लाग्यो तर उनी पति त कोठामा छैनन् भनी झल्याँस्स भइन् ।
सर्प देख्नेबित्तिकै उनी जुरुक्क उठिन् र हात झड्कारेर सर्प फालिन् ।
उनले भनिन्, ‘सर्प खाटमा पछारियो र म डेस्कमा उभिएँ अनि फ्रन्ट अफिसका मानिसलाई बोलाएँ ।’
आफूलाई सर्पसँग डर लाग्ने मेलिन्डाको भनाइ छ ।
ह्याम्पटन इन वाल्नट ग्रोभका जनरल म्यानेजर जेसन आर्न्ड्टले एक वक्तव्य जारी गरेर बताए, ‘पाहुनाहरूको सुरक्षा हाम्रो उच्च प्राथमिकतामा पर्छ । यो घटनाका बारेमा थाहा पाएपछि होटलले तत्कालै सर्प हटायो अनि कीरा नियन्त्रण गर्ने समूहलाई बोलायो ।’
त्यो बगैंचातिर पाइने हरियो सर्प भएको र कसोकसो कोठामा आइपुगेको पछि थाहा भयो ।
यस्तो घटना भएपनि मेलिन्डाले उक्त होटलमा फेरि बस्न आफू इच्छुक रहेको र आफू होटलको नियमित पाहुना भएको बताइन् ।
एजेन्सी
