२२ जेठ २०८३, शुक्रबार
काठमाडौं– सभामुख कृष्णबहादुर महरले मधेस तथा थरुहट आन्दोलनमा राज्यका तर्फबाट भएको भनिएको दमनबारे छानविन गर्न गठित लाल आयोगको प्रतिवेदन सार्वजनिक गर्न सरकारलाई रुलिङ गरेका छन् ।
झण्डै एक महिनाको अवरोधपछि सुचारु भएको प्रतिनिधि सभाको सोमवारको बैठकमा सभामुख महराले लाल आयोगको प्रतिवेदन सार्वजनिक गर्न सरकारको रुलिङ गरेका हुन् ।
राष्ट्रिय जनता पार्टी (राजपा)ले लाल आयोगको प्रतिवेदन सार्वजनिक गर्न मागगर्दै पटक पटक संसदमा आवाज उठाएको छ ।
‘लाल आयोगको प्रतिवेनको विषयमा मैले सदन समक्ष र सरकार स्वयंले सार्वजनिक गर्ने प्रतिबद्धता गरेको छ । यथाशीघ्र सार्वजनिक गर्न विशेष निर्देशन गर्छु’ महराले भने ।
मधेस आन्दोलनमा भएको दमनबारे छानविन गर्न सरकारले सर्वोच्च अदालतका पूर्व न्यायाधीश गिरिशचन्द्र लालको संयोजकत्वमा समिति गठन गरेको थियो ।
गएको फागुन २९ गते पनि सभामुख महराले लाल आयोगको प्रतिवेदन सार्वजनिक गर्न रुलिङ गरेका थिए ।
