३१ असार २०८३, बुधबार
लहान– ह्याकरको समूहले लहानस्थित कृषि विकास बैंकको शाखाको पासवर्ड प्रयोग गरी रकम ट्रान्सफर गरेको देखिएपछि विशेषज्ञ टोलीले मंगलवार रातिदेखि लहानस्थित कार्यालयबाट अनुसन्धान शुरू गरेको छ ।
बैंकको प्रविधि दुरूपयोग गरी रकम झिकिएको देखिएपछि प्रहरीको केन्द्रीय अनुसन्धान ब्युरोका अपराध अनुसन्धान अधिकृत र सूचना प्रविधि विशेषज्ञ रहेको ३ जनाको टोलीले छानबिन शु्रू गरेको बैंकका क्षेत्रिय निर्देशक धनेन्द्र अधिकारीले जानकारी दिए ।
लहानस्थित शाखाको पासवर्ड प्रयोग गरी रकम ट्रान्सफर भएको घटना बाहिरिएसँगै टोली आइपुगेको हो ।
टोलीमा संलग्नको नाम भने सार्वजनिक गरिएको छैन ।
