०२ असार २०८३, मंगलबार
काठमाडौं– यातायात व्यवस्था विभागले चाडपर्वलाई लक्ष्य गरी यात्रुवाहक सवारी साधनका लागि बाटो इजाजत पत्र (रुट परमिट) खुला गर्ने भएको छ ।
विभागले आगामी आइतवारदेखि १९ गतेसम्मका लागि इजाजत पत्र खुला गरेको हो ।
चाडपर्वमा उपत्यका आवातजावत गर्ने यात्रुको आवागमनलाई सहज र व्यवस्थित बनाउन रुट परमिट खुला गरेको विभागका महानिर्देशक गोगनबहादुर हमालले बताए ।
‘अन्य समयमा निश्चित रूपमा मात्रै सवारी साधन गुड्छन्,’ उनले भने, ‘चाडपर्वको समयमा इजाजत पत्र खुला गर्दा जुन सवारी साधन जता पनि जान पाउने भएपछि यात्रुलाई थप सहज हुन्छ ।’
