२८ जेठ २०८३, बिहीबार
काठमाडौं – रुसमा एक महिला यात्रुले विमान चलाएको फूटेज सार्वजनिक भएपछि हंगामा मच्चिएको छ । घटनालाई रुसी अभियोजनकर्ताहरूले अनुसन्धान गरिरहेका छन् ।
भिडियोमा आन्ना नामक महिला कोपाइलटको सीटमा बसेको देखिन्छ । विमान साइबेरियामाथि उडिरहेको थियो ।
पाइलटले ती महिलालाई निर्देशन दिइरहेको आवाज सुनिन्छ । ती महिलासँग विमान उडाउने योग्यता नभएको बताइएको छ ।
उक्त विमान रुसी एयरलाइन इनएयरो भएको र याकुत्स्कबाट बातागाइ गइरहेको बताइएको छ ।
इन्एयरोका एक प्रवक्ताले भने, ‘यो हाम्रो विमानभित्र खिचिएको भिडियो भन्ने कुरामा शंका छ ।’
ती महिलाले नक्कली उडान अनुभव लिएको पनि बताइएको छ ।
उडान त अगस्ट ३१ मा भएको हो तर भिडियो चाहिँ अहिले मात्र आएको हो ।
रुसी टीभी च्यानल ५–टीभीले पाइलटको नाम किरिल एस भएको अनि ती महिला उनकी प्रेमिका भएको रिपोर्ट दिएको छ ।
एजेन्सी
