१३ असार २०८३, शनिबार
काठमाडौं – फेसबूकले छिट्टै अडियो र भिडियो कलका लागि सिक्रेट कन्भर्सेसन्स फीचर ल्याउन लागेको छ ।
मेसेन्जरमा एन्क्रिप्टेड कलहरूको परीक्षण गरिरहेको प्रमाण पाइएको एक याप अनुसन्धानकर्ताले पत्ता लगाए ।
तर केही व्यक्तिहरूले चाहिँ फेसबूकले प्रयोगकर्ताहरूको संवाद सुन्ने नरोक्ने भन्दै नयाँ फीचर उपयोग गर्न अस्वीकार गर्ने बताएका छन् ।
फेसबूकले सन् २०१६ मा पहिलोपटक सिक्रेट कन्भर्सेसन्स ल्याएको थियो । त्यसमा प्रत्येक मेसेज थ्रेडका लागि टाइमिङ अप्सन पनि दिइएको छ । त्यसमा प्रयोगकर्ताहरूले स्न्यापच्याटमा जस्तै मेसेजहरू आफैं डिलिट हुने व्यवस्था छ ।
तर अहिले आएर फेसबूकले प्रयोगकर्ताहरूलाई एन्क्रिप्टेड अडियो तथा भिडियो कलको सुविधा ल्याएको छ ।
प्रयोगकर्ताहरूले म्यानुएल रूपमा सिक्रेट कन्भर्सेसन्स अन गरेमा मात्र फेसबूकले मेसेजहरू एन्क्रिप्ट गर्ने हो ।
यो फीचरलाई जेन मानचुन वोङले पत्ता लगाएकी हुन् । उनी एक याप अनुसन्धानकर्ता हुन् र यापहरूमा लुकेका कुरा पत्ता लगाउन माहिर छिन् ।
तर यो फीचर अहिले पनि परीक्षणकै चरणमा छ । फेसबूकले यसको अस्तित्वलाई पुष्टि गर्न बाँकी नै छ र यो कहिले सार्वजनिक गर्ने हो भनी भन्न बाँकी छ ।
एजेन्सी
