११ साउन २०८३, सोमबार
ब्राजिलका राष्ट्रपति जेर बोल्सोनारो सरकारी निवासमा लडेर टाउकोमा चोट लागेपछि अस्पताल भर्ना भएका छन् । सोमवार उक्त घटना भएपछि रातभरि अस्पतालमा बसेर भोलिपल्ट उनले छुट्टी पाएका हुन् ।
ब्राजिलका ६४ वर्षीय राष्ट्रपतिलाई चुनाव अभियानताका सन् २०१८ को सेप्टेम्बर महिनामा चक्कु आक्रमण गरिएयता अहिले आएर स्वास्थ्यमा समस्या देखिएको हो ।
बोल्सोनारोले ब्रासिलियास्थित आर्म्ड फोर्सेस हस्पिटलमा चिकित्सकहरूको निगरानीमा रात बिताएका थिए । उनलाई आराम गर्न सिफारिश गर्दै अस्पतालले विज्ञप्ति निकालेको छ ।
बोल्सोनारो सोमवार अबेर राति बाथरूममा चिप्लिएर लडेका थिए । उनी राष्ट्रपति बनेदेखि नै उनको स्वास्थ्यका विषयमा चिन्ता व्यक्त गरिएको छ ।
एजेन्सी
