२७ असार २०८३, शनिबार
अस्ट्रेलियाको लोकप्रिय पर्यटकीय रिजोर्ट भएको सामुद्रिक किनार क्षेत्रमा लागेको भयानक डढेलोका कारण आगोका झिल्का उडिरहेका छन् भने आकाशको रंग रगत जस्तो रातो बनेको छ ।
मंगलवार माल्लाकूटा शहरतर्फ बढिरहेको डढेलोका कारण हजारौं पर्यटकहरू समुद्री किनारमा फसेका छन् । उनीहरूले भाग्ने कुनै ठाउँ पाएका छैनन् । अधिकारीहरूले आगोका कारण चट्याङ पर्ने र आगोका झिल्काको तुफान आउने चेतावनी दिएका छन् ।
‘डढेलोले माल्लाकूटामा असर पार्छ जस्तो देखिएको छ,’ भिक्टोरिया राज्यमा आपतकालीन व्यवस्थापन आयुक्त एन्ड्रु क्रिस्पले बताए । समुद्री किनारमा फसेका हजारौं मानिसको निगरानी गर्नका लागि उद्धार कर्मचारीहरूको तीन टोली तयार रहेको उनले बताए ।
अत्यधिक तापक्रम तथा डढेलोको झिल्काका कारण घर लगाय अनेकौं संरचना ध्वस्त भएको भए पनि शहरमा कसैलाई गम्भीर चोटपटक लागेको खबर छैन । केही क्षेत्रमा विद्युत् प्रवाह र फोन सेवा दुवै अवरुद्ध बनेको स्थानीय सञ्चारमाध्यमले जनाएका छन् ।
माल्लाकूटातिर डढेलो बढिरहँदा त्यसले दुई लाख हेक्टर जमीनलाई ढाकिसकेको छ । त्यसले गर्दा आकाशै रातो भएका तस्वीरहरू सामाजिक सञ्जालमा देखिन थालेका छन् ।
अधिकारीहरूले उक्त क्षेत्रमा रहेमा लगभग ३० हजार पर्यटकहरूलाई डढेलोबाट बच्नकालागि भाग्न भने पनि उनीहरू अनिच्छुक रहेको वा असमर्थ भएकोले गर्दा त्यहीँ अड्किएका छन् । उनीहरूलाई समुद्री वा हवाई मार्गबाट उद्धारको प्रयास गरिएको एएफपीले लेख्यो । केहीले चाहिँ अन्तिम विकल्पका रूपमा महासागरको बाटो भएर भाग्नुपर्ने भएकाले लाइफ ज्याकेट लगाइरहेका छन् ।
#Mallacoota looks like a volcano erupted 😨 this what eyewitnesses are seeing pic.twitter.com/oIuEB9Z0Oi
— Mark 🎧🎼✊🏻 🔴⚪️💙 (@WorldOfMarkyD) December 30, 2019
pitch black.. no light at 9:51am ⚠️
power is out ⚠️
smoke all around ⚠️
ash falling from the sky ⚠️
thunderstorm created by the fire conditions ⚠️#BushfireCrisis #VicFires
एजेन्सी
