चीनको सरकारी सञ्चारमाध्यमका अनुसार बेजिङका जनतालाई जासूसीसँग जोडिएको जानकारी दिए ५ लाख युआन (४६ लाख नेपाली) इनाम दिने घोषणा गरेको छ । बेजिङका अधिकारीका अनुसार जनतालाई जासूस विरुद्ध काम गरिरहेको संयन्त्रलाई सुदृण बनाउन सहयोग गर्न आग्रह गरिएको हो ।

बेजिङ प्रशासनले गत वर्षं एक क्याम्पेन ल्याएको थियो जसमा जनतालाई विदेशी जासूसको आकर्षक योजनाबाट बच्न भनेको थियो ।

जासूसीको सम्बन्धमा जानकारीको सट्टा इनाम दिने नियम बेजिङ नगर निगमको सुरक्षा शाखाले जारी गरेको हो ।
जनताले व्यक्तिगत रुपमा या पोस्टका मार्फतबाट गत वर्ष जारी गरिएको हटलाइनमा जानकारी दिनसक्ने व्यवस्था गरिएको छ ।

यस्तो जानकारी दिने व्यक्तिलाई १० हजार देखि ५ लाख युआन सम्मको पुरस्कार राशी राखिएको छ ।
चिनियाँ सरकारी अधिकारीहरुका अनुसार चीन सरकारको केन्द्र भएका कारण विदेशी जासूसहरुले घुसपैठ, चोरी तथा मतभेद सृजना गर्ने उपयुक्त स्थानसमेत हो ।

जनवरीमा जियांग्सु प्रान्तमा माझीहरुले एक अनौठो बस्तु भेटेका थिए जसमा विदेशी भाषामा केही लेखिएको थियो ।

उक्त बस्तु माझीहरुले सरकारी अधिकारीहरुलाई दिएका थिए । जसको अध्ययनबाट चीनमा जासूसी भइरहेको पत्ता लागेको थियो ।