०४ साउन २०८३, सोमबार
पूर्व प्रधानमन्त्री एवं समाजवादी पार्टीका संघीय परिषद् अध्यक्ष डा. बाबुराम भट्टराईले प्रधानमन्त्री र प्रधानन्यायाधीशलाई समेत छानबिन गर्न सक्नेगरी संविधान संशोधन गर्न प्रस्ताव गरेका छन् ।
बुधवार प्रतिनिधि सभा बैठकमा विशेष समयर लिएर बोल्दै भट्टराईले अहिले चलिरहेको संविधान संशोधनको बहसमा समर्थन जनाउँदै प्रत्यक्ष निर्वाचित कार्यकारी राष्ट्रपति, पूर्ण समानुपातिक संसद् र जनलोकपालको व्यवस्था गर्नेगरी संविधान संशोधन गर्न प्रस्ताव गरेका हुन् ।
‘भ्रष्टाचारलाई नियन्त्रण गर्ने प्रधानमन्त्री र प्रन्यालाई समेत जनलोकपाल अम्बडजमन व्यवस्था गरौं । सबैको सम्पत्ति छानविन गरौं,’ उनले भने ।
संवैधानिक राष्ट्रपतिको अधिकार थप्ने कुरा नेकपाका सांसदहरूले नै सोच्ने विषय भएको उनले टिप्पणी गरे ।
चप्पल लगाएर काठमाडौं आएका नेताहरू कसरी सुटेडबुटेड र महलमा बस्ने भए भन्नेबारे छानबिन गर्नुपर्ने उनले बताए ।
‘अस्ति तेह्रथुममा रहेको प्रधानमन्त्रीको बुकुरो देखियो, गोरखामा मेरो पनि त्यस्तै छ । त्यस्तो बुकुरो भएका हामी प्रधानमन्त्रीहरू काठमाडौंमा महल जोड्न कसरी पुग्यौं,’ उनले भने, ‘लाख प्रयत्न गर्दा हाम्रो दृष्य कमाइले बुकुरो घरबाट महल बनाउने हैसियता पुग्दैन, छानबिन गरौं ।’
