सधैं व्यस्त रहने प्रशासकीय केन्द्र सिंहदरबार र त्यसआसपाका क्षेत्र आज बिहानैदेखि सुनसान छ ।

नेपालमा कोरोना भाइरस (कोभिड १९) को दोस्रो संक्रमण पुष्टि भएपछि सरकारले मंगलवार बिहान ६ बजेदेखि एक साताका लागि लकडाउन घोषणा गरेकाले सडक सुनसान बनेको हो ।

कर्मचारीहरूलाई पनि बिदा दिइएकाले उनीहरू सिंहदरबार आएका छैनन् ।

सुरक्षाकर्मीहरू गेटमा उपस्थित छन्, नेपाल टेलिभिजन र रेडियो नेपालका पत्रकारबाहेक अन्यलाई सिंहदरबार प्रवेश गर्न दिइएको छैन । यी दुवैको कार्यालय सिंहदरबारभित्रै छ ।

नेपालमा भेटिएका पहिलो कोरोना संक्रमित निको भइसकेको अवस्थामा आइतवार साँझ दोस्रो संक्रमित भेटिएको थियो ।

गत मंगलवार फ्रान्सबाट आएकी १९ वर्षीया युवतीमा कोरोना संक्रमण पुष्टि भएको जानकारी सरकारले सोमवार दिएको थियो । 

हेर्नुहोस्, सिंहदरबार, सुन्धारा, माइतीघर लगायतका क्षेत्रको तस्वीर :