परराष्ट्र  मन्त्रालयले  कोरोना भाइरसको सङ्क्रमण नियन्त्रण गर्न तत्काल अत्यावश्यक  औषधीय  सामग्री  चीनबाट  शनिवार  आइपुग्ने जनाएको छ ।  

ती सामग्री शनिबार आइपुग्ने गरी यतिबेला चीनको छेन्दुमा सङ्कलन भइरहेका छन् । परराष्ट्र मन्त्रालयका अनुसार सकेसम्म मागिए जत्तिकै सामग्री जम्मा भएपछि नेपालतर्फ पठाइँदैछ ।

संस्कृति, पर्यटन तथा नागरिक उड्डयन मन्त्री योगेश  भट्टराईले  नेपालबाट  हवाइजहाज  पठाउने  तयारी  गरिएको  बताए।  

परराष्ट्र  सचिव  शङ्करदास बैरागीले सामग्री ल्याउने विषयमा कुरा भएको हो, छिट्टै आइपुग्छन् भने ।

मन्त्रालयका  अनुसार  स्वास्थ्य  मन्त्रालयका  तर्फबाट आवश्यक सामग्रीको सूची परराष्ट्र मन्त्रालय मार्फत चीनमा पठाइएको थियो । माग अनुसारका सामग्री  आउनेमा सरकार विश्वस्त छ । पठाएको सूची अनुसारका सामग्री कहिले आइपुग्ने र वितरण गर्ने भन्ने पर्खाइमा स्वास्थ्य मन्त्रालय रहेको छ । गोरखापत्र दैनिकमा खबर छ ।