कोरोनासँग लड्न सार्वजनिक भयो रणनीतिक योजना, हरेक अवस्थाका लागि तयार

गगन अर्याल
गगन अर्याल

लोकान्तर संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

कोरोनाभाइरस (कोभिड– १९) विरुद्ध लड्नका लागि रणनीतिक योजना सार्वजनिक भएको छ ।

* कोभिड– १९ क्राइसिस म्यानेजमेन्ट सेन्टरले केन्द्रीय तह, प्रदेश तह, स्थानीय तह, निजामती, नेपाली सेना, सशस्त्र प्रहरी बल र नेपाल प्रहरीसँगको सहकार्यमा कोरोनाविरुद्ध अभियान सञ्चालन गर्ने गरी रणनीतिक योजना सार्वजनिक गरेको हो ।


Advertisement

सेन्टरले विज्ञप्ति जारी गर्दै भनेको छ, ‘कोभिड १९ क्राइसिस म्यानेजमेन्ट सेन्टरबाट केन्द्रीय, प्रादेशिक र स्थानीय तहसम्म निजामती, सुरक्षा निकाय र सबै सरोकारवालाको संयुक्त समूहमार्फत् कोरोना भाइरसविरुद्ध एकीकृतरूपमा सबै प्रकारका प्रतिकार्यहरू सञ्चालन हुनेछन् ।'

सेन्टरले उच्चस्तरीय समितिको निर्देशनअनुसार कोरोना भाइरसको ट्र्याकिङ, ट्रेसिङ र टेस्ट गर्ने, क्यारेन्टाइन, आइसोलेसन र उपचार गर्नेका साथै आवश्यक परेको खण्डमा शव व्यवस्थापन समेत गर्ने जनाएको छ ।


Advertisement

सीमित स्रोत र सधानलाई प्रयोग गर्दै द्रुत गतिमा केन्द्रदेखि स्थानीय तहसम्म एउटै चेन अफ कमान्डमा कोरोनाविरुद्ध अभियान चलाउने समेत उल्लेख छ ।

* कोभिड– १९ क्राइसिस म्यानेजमेन्ट सेन्टर हुनुपर्नेमा अन्यथा भएकाले सच्याइएको छ : सम्पादक 

गगन अर्याल
गगन अर्याल

लेखकबाट थप...

कमेन्ट गर्नुहोस्