२९ असार २०८३, सोमबार
रुसको एक सडकमा एउटा कारसँग तीव्र गतिमा हुइँकिने प्रतिस्पर्धा गर्ने क्रममा मोटरसाइकल चलाउने एक महिला खतरनाक दुर्घटनामा परेकी छन् । उनको हेल्मेटमा रहेको क्यामरामा यो खतरनाक दुर्घटनाको दृश्य कैद भएको छ ।
पश्चिमी रुसको सोचीमा बस्ने ती महिलाले कावासाकी जेडएक्स–६आर मोटरसाइकल दौडाएको र त्यसबाट चिप्लिएको देखिन्छ ।
नियन्त्रण बाहिर गएपछि उनी ६०० सीसीको मोटरसाइकलबाट हाम्फालेकी थिइन् र ज्यान जोगाएकी थिइन् ।
उनको गोप्रो क्यामराले उनी हाम्फालेको दृश्य खिचिरह्यो ।
उनी सडकमा बजारिएको देखिन्छ तर त्यत्रो दुर्घटना हुँदा पनि उनलाई गम्भीर चोटपटक लागेन ।
एन्जेलिना नामक ती महिलाको नितम्ब र गोडामा हल्का चोटकपटक लागेको थियो तर अनौठो कुरा चाहिँ हाडहरू भाँचिएको थिएन ।
दुर्घटनाको भिडियोमा उनलाई लडेपछि सहायता गर्न मोटरचालकहरू आएको देखिन्छ ।
