काठमाडौं, १३ वैशाख– सरकारले स्थानीय तहको संख्या बढाउने प्रस्ताव अगाडि बढाएको विरोधमा एमालेले आज पनि संसद बैठक अवरुद्ध गरेको छ । सोही विषयमा एमालेले मंगलबारको बैठकपनि अवरुद्ध गरेको थियो ।

स्थानीय तहको संख्या बढाउने विषयमा एमालेको जिज्ञासामा स्थानीय विकास मन्त्री कमल थापाले आजको संसद बैठकमा जवाफ दिएका थिए । तर, उनको जवाफमा चित्त नबुझेको भन्दै एमालेले संसद बैठक अवरुद्ध गरेको हो ।

एमालेको अवरोध पछि सभामुख ओनसरी घर्तीले आज ३ बजेसम्मका लागि संसद बैठक स्थगित गरेकी छन् ।