प्रधानमन्त्री केपी शर्मा ओलीले नेपालको नयाँ नक्सासहित समावेश गरिएको संविधान संशोधन विधेयक प्रतिनिधिसभाबाट पारित भएसँगै अब  भारतसँग मिचिएको भूमि फिर्ताका लागि वार्ता हुने बताएका छन्।

प्रतिनिधिसभाको शनिबारको बैठकबाट बाहिरिने क्रममा पत्रकारको जिज्ञासामा प्रम ओलीले संविधान संसोधनमा सर्वसम्मत मत देखिनु राष्ट्रियता र जनताको पक्षमा राम्रो कुरा रहेकाे बताए।

'संविधान संशोधन एक ढङ्गले सर्वसम्मत रुपमा पारित भएको छ, केही सांसदहरु अनुपस्थित हुनुभएको मात्रै हो, यसको विपक्षमा कोही छैन, अब भारतसँग वार्ता हुनेछ,' उनले भने।

सम्बन्धित समाचार : संविधानको 'ऐतिहासिक' संशोधन सर्वसम्मत पारित, नयाँ निसान छापमा लिम्पियाधुरा सहितको नक्सा