२२ असार २०८३, सोमबार
नेपाल कम्युनिस्ट पार्टी (नेकपा)को स्थायी कमिटीको पाँचौ दिनको बैठक एक घण्टा बसेर सकिएको छ ।
बिहान साढे ११ बजे शुरू भएको बैठक मध्याह्न साढे १२ बजे सकिएको हो । बुधवारको बैठकका प्रधानमन्त्री एवं पार्टी अध्यक्ष केपी शर्मा ओली शुरूदेखि उपस्थित थिए ।
आजको बैठकमा ५ जना नेताले आफ्नो धारणा राखेका छन् । बैठकमा योगेश भट्टराई, लीलामणि पोखरेल, मातृका यादव, नन्दकुमार प्रसाइँ र पेशल खतिवडाले बोलेका थिए ।
प्रसाइँ जेष्ठ कम्युनिस्ट मञ्चको अध्यक्षका रूपमा आमन्त्रित सदस्य हुन् ।
यसअघि मंगलवारको बैठकमा अध्यक्ष पुष्पकमल दाहाल प्रचण्ड तथा वरिष्ठ नेताहरू माधवकुमार नेपाल, झलनाथ खनाल, उपाध्यक्ष वामदेव गौतम र नारायणकाजी श्रेष्ठ लगायतले ओलीको राजीनामा माग गरेका थिए ।
आजको बैठकमा ओली समूहका नेताहरूले ओलीका बचाउमा आफ्ना कुरा राख्ने तयारी गरेका थिए ।
नेकपा बैठक असार १० गतेदेखि बस्दै आएको छ ।
