०३ असार २०८३, बुधबार
काठमाडौं, १९ वैशाख — भारतअधीनस्थ कश्मीरमा पाकिस्तानी सैनिकहरूले दुई भारतीय सैनिकको हत्या गरेर लाश क्षतविक्षत गरेको भन्दै भारतले पाकिस्तानविरुद्ध आक्रमण गरेको छ ।
भारतीय सेनाले पाकिस्तानका दुई चौकीहरू उडाएको र सातजना सैनिकलाई सिध्याएको जानकारी दिएको छ । ती चौकीहरूबाट नै पाकिस्तानी सेनाले आतंकवादीहरूलाई कभरिङ फायर दिएको बताइएको छ ।
यही क्रममा पाकिस्तानी सेनाद्वारा रकेट लन्चरमार्फत गरेको गोलीबारीमा परी सीमा सुरक्षा बलको एक अन्य जवान पनि घाइते भएका छन् । यो आक्रमणपछि नियन्त्रण रेखामा उच्च सतर्कता जारी गरिएको छ ।
पाकिस्तानी सेनाले स्नाइपरमार्फत गोली हानेर भारतीय सेनाको राहत अभियानमा बाधा पार्ने प्रयास समेत गरेको थियो ।
एजेन्सी
